Activites
54th Edition of Traditional International Ilinden Kayak Slalom – IKAS 2023
Edhe nje medale i shtohet Kosovës dhe Federatës për Kajakim.
Sot me datë 9 Prill 2023 në Matka te Shkupit, në një konkurencë mjaftë të fortë me kajakistë nga shtete të ndryshme evropiane, Lorand Gjoshi në këtë garë u rendit i dyti me një diference vetem 2 sec larg vendit të parë. Urime @lorandgjoshi
Kajakisti nga Kosova Lorand Gjoshi mori pjesë në garën për kajakim 2023 ICF CANOE SLALOM WORLD RANKING COMPETITION - SOLKAN, Slloveni, në një konkurencë mjaft të fortë ku morën pjesë 93 kajakistë nga shtete të ndryshme!
Në lëshimin e parë per kualifikim, Lorandi u radhit i 3-ti, ndersa në gjysemfinale, mjaftuan pak sekonda më shumë dhe u radhit i 25-ti.
Suksese Lorand
Është nder dhe privilegj të përfaqësojmë shtetin në Europian Canoe Association që po mbahet në Chania (Greqi). Me zgjedhjen presidentit të ri të ECA-së z. Jean Zoungrana nga Franca me të cilin kemi njohje dhe miqësi paraprake, shpresojmë që do të kemi mbështetjen në iniciativat tona për avansimin e kajakimit në Kosovë.
Tutje, Kosova është prezente edhe në një organizëm ndërkombëtar më shumë!
Federata për Kajakim e Kosovës me dt.: 21.03.2023 ka mbajtur Kuvendin e IV të rregullt ku ishin të pranishëm delegatët e klubeve aktive!
Në këtë mbledhje u diskutuan dhe miratuan një sërë dekumentesh që kishin të bënin me punën dhe aktivitetet për vitin 2022. Gjithashtu u shqyrtua dhe miratua plani i veprimit dhe financiar për vitin 2023.
Në këtë mbledhje na nderuan me praninë e tyre z. Bujar Turjaka nga Komiteti Olimpik i Kosovës dhe znj. Adelina Bacaj nga MKRS.
Kuvendi mbylli punimet sukseshëm dhe në mënyrë solemne!
Me datë 19/03/2023, Blandine Xhemajlji u radhit e 28-ta në mesin e 41 kajakistëve në një disiplinë të re në kajakim "Kayak Cross" në garën "International Pyrénées Cup 2023".
Disiplina "Kayak Cross" pritet të debutojë për herë të parë në Lojra Olimpike Paris 2024
Blandine Xhemajli ishte bërë gati për t’u paraqitur në garën më të veçantë të saj në sportin e kajakimit. Mezi priste ta përfaqësonte Kosovën në garën që mbahet javën e ardhshme në Spanjë.
Por, Blandinës iu mohua pjesëmarrja për shkak të qëndrimit diskriminues që ka Spanja ndaj sportistëve të Kosovës. Ajo nuk u lejua të paraqitet me simbole të shtetit dhe nuk do të udhëtojë për në Spanjë.
Blandine Xhemajlji, kajakistja e parë femër që perfaqëson Kosovën në arenën ndërkombëtare
Me datë 18/03/2023, kajakistja jonë u radhit e 43-ta në mesin e 64 kajakistëve më të mira në botë në garën "International Pyrénées Cup 2023" e cila u mbajt në qytetin Pau-Francë, garë e cila kishte mbi 300 garues në disiplina të ndryshme nga 25 shtete nga e gjithë bota.
Blandina është femra e parë kosovare e cila garon zyrtarisht nën flamurin e shtetit të Kosovës në disiplinën Slalom / K1.
Presidenti i KOK-ut, Ismet Krasniqi dhe kryetari i Federatës për Kajakim të Kosovës (FKKS), Visar Emini, janë pritur sot nga kryetari i komunës së Podujevës, Shpejtim Bulliqi.
Federata për Kajakim e Kosovës organizoi eventin “Laureatët e vitit 2022”.
Federata për Kajakim e Kosovës ka organizuar edicionin e dytë të ceremonisë “Laureatët e vitit 2022”.
Në këtë ngjarje është bërë përzgjedhja e më të mirëve në fushën e Kajakimit për vitin 2022.
KURSI PËR ADMINISTRATORËT E SPORTIT / COURSE FOR SPORT ADMINISTRATORS.
Pjestarët nga "Federata për Kajakim e Kosovës" janë licencuar në kursin për administratorët e sportit, të organizuar nga Akademia Olimpike.
Në kursin e mbajtur për dy ditë në Hotel Sirius ligjëruan drejtori i Departamentit të Sportit në Ministrinë për Kulturë, Rini e Sport, Ibër Alaj, dhe koordinatori për edukim i Akademisë Olimpike, PhD Fitim Arifi.
Me datë 03/09/2022 dhe 04/09/2022 në Liqenin e Batllavës u mbajt "Kampionati Shtetëror në Kajakim Sprint / 2022"
Kategoria K1 dhe K2 - Meshkuj dhe Femra 200 M për grupmoshat:
U14
U16
U18
U21
Senior
Më 27 Gusht, FKKS së bashku me “Lazdrohu” organizoi ‘Trajnimin për Kajakim dhe SUP’ për fëmijët nga trajner profesionist me qëllim të rritjes dhe masovizimit të këtij sporti te moshat e reja.
Kajakistët e rinjë kosovar në garën ndërkombëtare / Sprint organizuar nga Bashkia e Pogradecit, nga dt.: 12-14 Gusht/2022.
Një grup i kajakistëve të rinjë nga klubet e ndryshme nga Kosova po merr pjesë në projektin: “Fuqizimi i të rinjëve për një mjedis të pastër nëpërmjet turizmit të aventurës dhe sporteve ujore” Pjesmarrës në këtë event janë edhe shumë kajakistë nga Maqedonia e Veriut dhe nga Shqipëria. Në kuadër të këtij projekti, kajakistët e rinjë do te ndjekin nje workshop dhe do të kenë një garë rajonale në disiplinën Sprint.
Në raundin e parë, Kosova radhitet në dhjetëshen e parë duke zënë vendin e shtatë nga dhjetra shtete me qindra garues që marrin pjesë në këtë Kampionat Botëror për Kajakim / Sllallom.
Urime Lorand Gjoshi!
Kosova do të përfaqësohet në Kampionatin Botëror për Kajakim, disiplina Sllallom për moshat JUN & U23 që do të mbahet në Ivrea / Itali nga 05 deri 10 Korrik / 2022.
FKKS po merr pjesë në: FESTA E LIQENIT, SHIROKË
/QERSHOR, 2022
Me ftesë nga miqt shkodran, FKKS po merr pjesë në eventin dy ditor në Shirokë: “Festa e Liqenit”. Kajakistët e klubeve të ndryshme nga FKKS morën pjesë në garën miqësore që u organizua në Liqenin e Shkodrës!
Aktivitetet e tilla do të vazhdojnë edhe ditën e nesërme ku do të ketë kajakim përgjatë Lumit Buna.
Kajakuesi, Lorand Gjoshi, po përfaqëson Republikën e Kosovës në Kampionatin Botëror të Kajakimit, që po mbahet në Pragë nga 10-12 qershor 2022.
Gjoshi po garon në disiplinën e sllallomit, duke na bërë krenar me përfaqësimin e Kosovës në këtë garë të rëndësishme ndërkombëtare në mesin e 37 shteteve pjesëmarrëse.
I urojmë fat dhe suksese Lorandit.
Sot u zhvilluan garat me kajak “Lëshim në ujra të rrëmbyeshëm (K1) / 5000m”, në të dyja konkurencat.
Kajakistët meshkuj:
Vendi i parë: Lis Deçani (25’ 19” 63’’’)
Vendi i dytë: Blert Gjoshi (25’ 22” 54’’’)
Vendi i tretë: Nar Statovci (25’ 24” 81’’’)
Kajakistet femra:
Vendi i parë: Nitë Krasniqi (26’ 36” 44’’’)
Vendi i dytë: Donika Latifi(26’ 46” 15’’’)
Vendi i tretë: Fleta Deçani (27’ 15” 39’’’)
Përfaqësim dinjitoz KOSOVA
𝙀𝘾𝘼 𝘾𝙖𝙣𝙤𝙚 𝙎𝙡𝙖𝙡𝙤𝙢 𝙀𝙪𝙧𝙤𝙥𝙚𝙖𝙣 𝘾𝙝𝙖𝙢𝙥𝙞𝙤𝙣𝙨𝙝𝙞𝙥𝙨
𝙇𝙞𝙥𝙩𝙤𝙫𝙨𝙠𝙮 𝙈𝙞𝙠𝙪𝙡𝙖𝙨 (Sllovaki), 26-29 Maj / 2022
Kamp stërvitor 2 ditor në Batllavë
Me 14 dhe 15 Maj, FKKS ka organizuar kamp stërvitor 2 ditor në Batllavë. Në kuadër të këtij kampi, kajakistët patën mundësinë të marrin pjesë në trajnimin: ”Siguria në ujra të bardha” që u ligjerua nga z. Arianit Mula i cili është guidë i certifikuar dhe kryetar i KK Egër Peja. Ligjerata ishte në formën e debatit interaktiv dhe i gjithë trajnimi u ndërthur edhe me aktivitete praktike në liqe. Për kajakistët që morën pjesë në trajnim u ndanë certifikata.
I ftuar nga FKKS, trajneri polak Tomasz Mendelski do te qëndrojë 3 ditë në Kosovë për trajnimin profesional të kajakistëve tanë. Trajnimi po zhvillohet në Batllavë me përfaqësues të të gjitha klubeve.
Tomasz Mendelski ka qenë kajakist i përfaqësueses polake në lojra olmpike dhe kampionate ndërkombëtare. Eksperienca e trajnerit polak do të kontribuojë në rritjen e cilësisë dhe përfitimin e teknikave të reja për kajakistët tanë.
Përfundoi "Panairi Ndërkombëtar i Turizmit – Kosova 2022", i cili po zhvillohej në Grand Hotel. Nga ky panair janë informuar biznese e qytetar rreth kajakimit në Kosovë, si sport garues e rekreacional. Kajakimi është parë si mundësi e zhvillimit të turizmit në vend.
Lorand Gjoshi ka fituar medaljen e artë në edicionin e 53-të të garës ndërkombëtare të kajakimit "Ilinden IKAS", disiplina e sllallomit, që u mbajt për dy ditë në Shkup të Maqedonisë së Veriut.
Kosova po shkruan historinë!
Kajakisti nga Kosova Lorand Gjoshi radhitet i 6-ti në raundin e parë në garën ndërkombëtare të sllallomit në Solkan të Sllovenisë, duke lënë prapa shumë kajakistë të shteteve të ndryshme të cilat e kanë kajakimin sport tradicional!
Kajaku me te cilin Lorand Gjoshi do prezentohet në garat ndërkombëtare që do të zhvillohen në vitin 2022
Federata për Kajakim e Kosovës bëhet anëtare me të drejta të plota në Federatën Ndërkombëtare të Kajakimit
Federata e Kajakimit të Kosovës (FKKS) është bërë sot anëtare me të drejta të plota në Federatën Ndërkombëtare të Kajakimit (ICF), në Kongresin Vjetor të ICF-së, që po mbahet në Romë të Italisë.
FKKS u bë anëtare me 67 vota për, katër kundër dhe katër abstenime.
Drejtuesit e KOK-ut, presidenti Ismet Krasniqi, me nënpresidentët Gazmend Maxhuni e Milaim Kelmendi, kanë pritur sot në takim krerët e Federatës së Kajakimit të Kosovës.
Udhëheqësit e FKK-së, me në krye, kryetarin Visar Emini, kanë uruar presidentin Krasniqi për zgjedhjen e tij në krye të KOK-ut, derisa kanë bashkëbiseduar për mundësitë e bashkëpunimit mes KOK-ut dhe Federatës së Kajakimit.
Po ashtu, presidenti Krasniqi i uroi për suksesin e arritur në garën ndërkombëtare në Shkup, ku kajakuesi Lorand Gjoshi, fitoi medaljen e bronztë në sllallomin e kajakimit. Për Gjoshin ishte hera e parë që përfaqësoi Kosovën në garat ndërkombëtare.